Nganong Catolico Ako Hangtod Karon

I have written this on 2009 when I was still 20 years old, when I joined the contest of "Bag-ong Lungsuranon" found it on my archive documents...

---------------------------------------------------
                                                “Nganong Catolico Ako Hangtod Karon”

By: Mark Jimuel Castillo

Binunyagan dili lamang sa tubig kun dili sa kalayo sa Espiritu Santo. Ang Ginoo naghatag kanako ug bahandi, ang bahandi na nagpalig-on sa akong relasyon ko kaniya, mao kini ang akong pagka Catolico. 

Ngano man nagpabilin man ko sa akong pagtoo? Kanus-a ako magpabilin dinhi sa akong gi tuohan? Kinsa akong gisaligan?

Ako beynte tres anyos pa lamang, ug sa akong edad daghang mga tentasyon ug paglinlang ang nag alirong kanako. Mga pangutana ug kalibog, mga panulay ug pagsulay daghan kaayo, apan ang Ginoo sa iyang hingpit na gugma nagpakita sa iyang pagka maayo. Sa akong edad curioso ako sa daghang mga butang, sa mga misteryo ug sa syensya, sa  makita ug dili makita. Sa teknolohiya na nahimong usa sa mga hagit sa akong pagpabilin sa paagtoo pinaagi sa mga inpormasyon nga nakahatag kanako sa pagduha-duha ug kalibog. Ang mga saad sa ilang mga pinuno, na ako daw ma langit kung mo uban ko kanila. Ang mga propesiya daw sa bibliya na sila ang mga anghel sa Dios na minaog sa langit aron luwason ang katawhan. Ug ang nagpaila na sila ang bag-ong Jesucristo sa bag-ong panahon, mao ang uban sa daghang mga pang akit na akong nasaksihan. Ako naminaw ug nagpahinuklog kanila pero ang grasya sa Espiritu Santo maoy nag lihok sa akong tanlag. Samtang ako naminaw kanila, mas nihugot ako sa pagtoo ug pasalamat na ako membro sa lawas ni Cristo dinhi sa Simbahang Catolico ug sa mga linain na grasya nga nagpaabot kanako dinhi.

Una sa tanan mao ang mga Sacramento na nagpasinati kanako na ang Ginoo wala lamang sa langit, kun dili naa usab siya sa mga Sacramento na iya gihatag kanako. Ilabi na ang Santos na Eukaristiya kung diin dili lamang nako mabati ang pulong sa Dios ug na dili lamang makita apan ako sad na matagamtaman mismo ang Ginoo nahimong pagkaon kanako ug nga andam ibalik iyang sakripisyo alang sa akong kaluwasan.. Ang Sakramento sa pagkumpisal na ang Ginoo sa iyang dakong kalooy andam na mopasaylo sa akong mga sala, dinha sa presensya sa pari.

Dili sad mahimo sa isa way bili lamang ang pagtoo sa mga Catolico sa Mahal na Birhen Maria, ang inahan ni Jesucristo na giihatag usab aron mahimo nakong inahan. Dako kaayo ko ug debosyon sa inahan sa Dios na usa sa akong mga dangpanan diha sa akong kalisod ug kalibog sa pagtoo, dinhi lang nako makita sa pagtoong Catolico ang dakong respeto sa Mahal na Birhen na sa ubang mga tinuohoan yano ra kaayo na gipasipad-an. Dinhi sad nako na ilhan ang mga Santos ug Balaan ug sa pag pasidungog kanila. Mas nilambo pa ug nilig-on pa ang akong pagtoo sa Dios ug sa iyang Simbahan pinaagi kanila. Usa sa akong paboritong mga Santos mao si Santa Teresita sa Batang Hesus na sa iyang ehemplo sa pag ka simple ako nakita na kitang tanan gitawag sa pagka Santos ug pagka Balaan bisag sa atong kaubos diha sa mata sa Dios.

Ang mga sacramentaryo o mga balaang mga butang nga nag hatag pa ug mas lapad na agianan aron masinati nako ang Ginoo. Ang mga imahen, rosaryo, eskapularyo, medalya ug uban pa na nagpahinumdom kanako sa presensya sa Dios.

Ang mga sagradong tradisyon usab sa Simbahan ang usa sa naghatag kanako ug rason ngano ako anaa pa sa akong pagtoo kay tungod niining mga balaang tradisyon ako nakita giunsa sa Ginoo pagdumala ang Simbahan pinaagi sa pag uyon niining mga rebelasyon na iya gayud nga gi bendesyonan pinaagi sa iyang mga sulogoon dinhi sa Simbahan

Ang mga kasulogan sa tibook tuig sa simbahan usa usab sa mga rason mao natagaan ako ug higayon na masinati nako ang kinabuhi sa Ginoong Jesus dinhi sa kalibutan. Ang kasaulogan sa Pasko sa Pagkatawo ang usa sa akong pinaabot na panahon. Ang pagsaulog sa Pasko nagpahandum kanako sa pagka ubos sa Ginoo ug sa pagkamangihatagon sa Dios Amahan kanako. Kung  pagkamangihatgon sa Dios Amahan ang hisgutan, dili sad nako pwede ibuwag ang iyang pagkamangihatagon kanako sa kinabuhing dayon pinaagi sa pagkabanhaw sa atong Ginoong Jesucristo na gisaulog sa Simbahan matag tuig.

Dako sad akong kalipay sa akong pagka membro ning Simbahan. Dili lamang kini Simbahan sa mga pari, sa mga adunahan, sa mga ma ipluwensya ug sa mga katigulangan, kun dili Simbahan kini sa tanan ilabi na kadtong mga nasalaag. Diri nako nakita ang tinuod na pagka hiusa pinangulohan sa Santo Papa ug sa iyang tinudlo na Arsobispo, ang kahiusahan na dili nimo makita sa uban, ang kahiusahan na gikinahanglan sa kalibutan ug ang kahiusahan aron kita magpuyo sa kalinaw uban sa tanan membro sa lawas ni Cristo. Dili lamang ang mga adunahan ang para sa simbahan, mas gipalabi ang mga alaut sa communidad. Diri nako makita sa Simbahang Catolico ang pag inambitay sa usag-usa ug ang pag atiman sa ilang mga gi kinahanglan. “Church of the Poor” kung sa iningles pa, ang tawag sa simbahan. Dili tungod kay puros pobre ang membro dinhi, kun dili, gipakita niini na ang Simbahan andam modawat sa mga tawo na nasalaag, sa mga alaut sa espirital na butang, ug mga tawo na gutom ug uhaw sa pulong sa Dios.

Malipayon ako na ako mi gradwar sa usa ka Catolikong tunghaan (gipadagan sa mg paring OAR) na mas gipatubo pa ako pagtoo sa Simbahan pinaagi sa mga pagtulon-an na ko nakat-unan. Tungod niini akong nabatyagan na ang simbahan dili lamang para sa mga hamtong ug tigulang, naghatag pud kini ug higayon sa mga kabataan na maila pa ang Ginoo ug mapasabot ang  tahas sa kabataan sa kommunidad pinaagi sa mga programa na gi mugna sa Simbahan alang kanamo mga kabataan.

Ako sad na nakit-an na dili kinahanglan na mahimo kang usa ka pari ug pagka madre aron mahimo ako na usa ka misyonero, bisag pa sa akong pagka ordinaryo mahimo nako mapa ambit ang awhag sa Simbahan sa pagka misyonero pinaagi pagtampo sa akong bahandi, talento ug pag-ampo, o dili ba, sa akong pagpuyo sa Kristohanong kinabuhi ingon man mahimo akong ehemplo sa uban, mao na nagpabilin ako niining akong pagtoo karon kay ako gitawag man sa pagka misyonaryo.

Ang kristohanong pamilya na ako nasinati dinhi sa Simbahan ang naghatag usab nako ug paglaum sa mas dako pang pamilya nagpaabot nako sa gingharian sa langit.

Malipayon ako na membro ako sa Simbahan na andam makigbisog alang sa kaayohan sa nasud. Andam na maminaw sa awhag sa kabaghoan. Gipakita sa Simbahan na ang Dios ang labing gamhanan sa tanan, na dili sa pistola, tanke ug giyera kun dili pinaagi sa pagsalig ug pangaliya kaniya mahimo na makab-ot ang kalinaw ug kaangayan.

Malipayon ako na nagpabillin akong Catoliko kay ako na membro sa usa ka Simbahan na andam nagpanalipod sa interes ug sa kaayohan sa katawhan ilabi na ang interes sa Pamilya. Bisan pa man hagbay nang gibuwag ang katungdanan sa Simbahan ug sa Gobyerno apan padayon na gilaban sa Simbahan ang kaayohan sa tanan. Sa pamilya karon na gihulga sa mga gisang-at na balaod aron ma pugngan ang populasyon pinaagi sa paghimong legal sa mga contraseptibo nga usa ka matang sa aborsyon. Nahulga pud apil ang kasagrado sa matrimonya na gibalaan ug usa sa sakramento sa Simbahan. Ug ang mga kabataan na gitang-tangan sa ila dignidad ug gikuhaan sa higayon na masinati nila ang ilang pagka bata tungod sa pag pugos sa pagpanarbaho o dili ba sa pag abuso sa ilang kaugalingong ginikanan. Bisan paman sa mga makaguol na sitwasyon, nahuwasan ako kay tungod ang simbahan, kung asa membro ako karon, milaban, misukol ug nakigbatok niining mga mangil-ad na binuhatan.

Tinuod gayud na ang mga pari, madre ug mga sulogoon sa simbahan mga yanong tawo ra usab, sama nako, madagma ug mahisukamod gayud. Sa kapin 2000 ka tuig na ang milabay, dili ikalimod na ikadaghan usab kini nga na nadugmo, sa mga kontobersiya, paglinlang ug kasina sa uban. Bisan paman niini padayong mibarog ang Simbahan, padayong mi kaylap ug padayong mitubo. Nagpadayon ang Espiritu Santo na nag aghat kanako sa akong pagtoo na dili hitupngan, pinaagi sa iya grasya ug panalipod ako nagpadayon sa pag uban ug pagtubo dinhi sa grasya isip Lawas ni Cristo.

Ang akong kasing-kasing magpabilin dinhi sa pagtoong Catolico. Wala na ako’y pangitaon pa. Nadunggan na nako ang mga saad sa daw sila “mga propeta”. Ako nang na pamatud-an sa ako kaugalingon na na dinhi ang akong kaluwasan. Dili ika hitupngan ang akong kalipay na ako membro ning Simbahan na gibalaan sa Dios. Ako maningkamot sa pagpadayon sa pagpuyo sama ni Kristo, ni Maria ug sa mga Balaan. Dinhi na ako sa akong gituhoan hangtod na makita ko na ang kahingpitan sa kinabuhi, ngadto sa Langit. Misalig ako sa Dios ug sa iyang saad mgadto kang Pedro sa pagtukod sa iyang Simbahan, mao kana ang tinubdan sa akong pagtoo ko sa Simbahang Catolico.

Ang akong lang panghinaut na unta andam kita na mo sanong sa tawag sa Simbahan sa pag-ila sa atong tahas sa pag tukod sa gingharian sa Dios dinhi sa kalibutan pinaagi sa pag atiman sa mga nagkinahanglan, mga masakiton, biniyaan, nag inusara, gugutom, gi-uhaw, linupig, gitamay, mga naguol, ug tanang nagkinahanglan ug amoma. Pinaagi sa atong pagtagad kanila atong mapabilin na ligdong ang Simbahan, mapuy-an nato ang mga hiyas ug  bahandi na gibubo sa Dios ngadto sa mitoo ug misalig kaniya ug sa gitukod na Simbhan sa iyang bugtong anak. Mahimo unta kita na larawan sa Dios ug makita sa uban na tinuod ug buhi ang Ginoo pinaagi sa pagbuhat ug maayo sa uban. Pinaagi niini daghan pa ang molig-on sa ilang pagsalig sa Ginoo ug sa Simbahan, ug sa iyang pagka Catolico. Ang paglaum sa katawhan na usa ka adlaw mobalik gayud ang Ginoo ug masaligon siya na siya ibutang gayud sa tuo sa Dios aron mosalo sa iyang bankete didto sa gingharian sa langit. Samtang naghuwat kita sa pagbalik ni Jesus, mao na padayon kita na magtambayayong sa paglakat ug magdungan kita na motubo sa grasya isip lawas ni Cristo.

To the Blessed Virgin Mary

 
To the Blessed Virgin Mary

by: Mark Jimuel Castillo

My mother, my queen

With you eternal life I may gain

To Jesus your son

To Him I should run

Hold my hand dear mother

Never cease to answer my prayer

Praise God for giving us a mother like you

A mother loving and caring

A mother ready to help us in all our undertaking

Guide our path, dear Lady

Lead us to God who is ever good and holy

May you never abandoned us

To God whom we are full of trust

Whisper in the ear of Jesus

Our prayer and supplication to you we implore

Help us to love God more,

And to find a place we may call home

May God be exalted in all we do,

That is why we do need of you

To lead us to your Son

With Jesus may our hearts will be one

And as we journey back home

In heaven where you are known

Heed our request Virgin Mary

To God our hearts you will carry.

Salamat Greenwich

Ako diay si MJ Castillo; nag puyo duol sa Asilo.
Gidala ako sa dinhi sa Greenwich sa kahigayonan. Aron masukod akong kapuslanan.
Wala man ako kaila, ug wala ko man damha,
Apan dali ko kini nahigugma.

Ako man pag una nahibulong, nga daw nalipong.
Sa mga panghitabo ug pagtulun.an na akong nakat-onan.

Si Maam Aimee ako unang store manager. Gi sunadan ni Sir Arnel na lahi ug behavior.
Didto pa ako ato sa RTM, nga nakaingon ko tsktsk, di jud lalim.

I thought kay tungod ako ang pinakabata, ako ang pinangga,
Pero ako nasayop, sa akong alimpatakan ni santop.

Sa didto ko, nasukod ako pagkatawo,
Kung sa trabaho tinuod ba ako na kamao

Ako gibuhat ang tanan nga walay sapayan.
Aron ako maipakita na ako angayan.

Kit-kit, kat-kat ug kot-kot, ako gibuhat aron ang target ma kab-ot

Sa pagtaod sa streamer ako mangunay,
Aron Makita ko na ang pagkabutang kay hapsay.

OOT kanunay, bahalag init, ug ang dagway nagkagidlay.

PMC sa mga batang badlongon, bahalag ingnon ko “ayaw dinha kay naay ungo”

Sa Greenwich ko nakasuway ug 25 oras na walay tulog. Heavy! mura kog hubog nga sabog!

Ma uli alas tres a kaadlawon, mo duty pa ug alas ocho sa kabuntagon.
Pero ok ra kay gwapa man gihapon…


Bisan pa man, kahibalo gihapon ko mag lingaw-lingaw.
Para ang stress sa trabaho mahanaw.

Ako buot mo kanta, pero ila ko sawayon
“ayaw nalang kanta kay imu tingog makaguba ug friendship” mao ila ingon
Kung ako mosayaw, mora kog kabayo na nakabuhi sa kwadra.

Sa mga general meeting ako naning.
Para ang discussion dili boring.

Bisan paman ato tanan, ako gihapon gina kasab.an.
Pero ako nakasabot kay parte to sa mga leksyon na akong angay makat-onan.

Ug kinsa may naka hinumdom sa Belen na akong gihimo
Ayaw ug tabangi si MJ, mao kini ang gi mando

Ug sa dihang GOLD ang tindahan
ang katawhan nag ambahan

yes, manlarga sa Manila para sa awarding,
gibilin man hinuon ang beauty ni Charing!

Hala ka teh! Wala nila makita ako kahago
Murag akong dunggog ila lang gi tago.

Tuod man, nanglarga sila ug ako gibilin,
Mura kog sinalikway ug walay kabilin

Samtang sa kauluhon sila nag pundok
Ako, straight duty sa Tabunok

Ok ra to, kung nagdala sila ug pasalubong, ui, wala man gihapon

Pero ako, mas , nakuratan
pag abot sa plakeyo, wala ako pangalan…

unsa diay ila pagtuo nako noh?

Hangin lang nga dili makita ug masakitan.

Dali-on nato ang istorya, ug ako naabot sa Ayala..

Dili unta ko dinhi kay tungod sa mga issues.
Pero tungod sa tambag sa ubang higala, ako kining gidawat sa akong kasing-kasing nga tim-os.

Ug gidawat ko sa ayala na puno sa kalipay.

Bag-o na pud na pagsulay
Ako murag nagmahay.

Pero ako nasayop
Ang espíritu santo sa akoa ni tayhop.

Sa kanila sayop ako panagna
Dili man diay sila ing.ana

Kalipay, kaguol, kapungot, ako na pung nasinati
Ug uban pang emotiones nga tanan akong gibati

Pero ok ra, sa gawas sa mga gwapo mo li-li
Ay Ginoo ko! Nasayop ko, mga lalaki diay to nga gi bidli…

Legs festival daw nagbanaw
Pero ang nawong murag kan-on nga nabahaw

Mga crew puros na si-aw
Nakahupay sas akong kamingaw

Ako pirmi opening,
Kung ako duty, Sa audit pirmi ma timing

Naa puy mga crew nga badlungon
Maoy hinungdan sa pagkasamot pag lisngag sa akong ilong.

Naay mga crew nga AWOL hapit kanunay
Wala maikog sa kauban na wang-wang ug dili na mahitsura ang dagway

Mga crew na kusog mo tell a lie
Dili ko nila mailad kay ako dali ra maka spy one look in the eye.

Akong service more than the usual
Its more fun in the Philippines

Sa pizza dance kita nanayaw
Lupigon pa ang mga badjaw

Naay kinahanglan
Adto ta ni sir MJ managan

Naa kay assignment?
Adto ni sir mj sangpit

Wala kay load?
Adto ni sir MJ luhod.

Wala kay plete?
Adto ni sir mj pag bale

walay panglukat ug requirements?
Si sir mj ang duoli

Sa tanang hangyo
Walay balibad, diretso tando

Daw humok daw ko ug ilong
Dali ra daw mailad, suma pa sa ilang mga pulong

Ako kato gibuhat, dili ako bogo
Kay si Jesus, mao na iyang gisugo.

Tungod daw sa kabuotan
Dali ra ma abusaran

Buhaton ang tanan aron lang kamu malipay
Bisag akong kaugalingon kalipay daw akong nasalikway

Pero ngano akong pangalan
Mahinumduman ra man panahon sa kagul anan?

Panahon sa lipay-lipay
Akong pangalan nikalit ug kahanaw

Kung ako na ang mohangyo
Kusog kayo ang ulo mo lingo-lingo

Ing-ana jud siguro ang panahon
Pagsulay, kung asa kutob imu pahiyom.


Tinuod siguro ang panultihon,
Ang mag antus, ma santos

Wala nay mamugos ninyo sa prayer meeting
Daghan na kamu ug oras sa inyong tripping

Ang taas na tawo, dili na kamu kasab-an
Ug motudlo ninyo ug maayong pamataasan

Wala na ang manager sa inyo mag pa hilot
Pasensya jud kay pirmi man gud ko gi panuhot

Kung naay mangita sa manager nga daot
Ingna lang ninyo nalumos sa tumang ka alaut

Bisag sa sweldo wala akoy increase
Nakat-onan nako ang value sa “pagtitiis”

Karon ko lang nasabtan
Nga sa trabaho naa pa koy mas labaw na ganahan

Pero dili kana pasabot na kaninyo ako wala magtagad
Kay ako kaninyo nahigugma sukad na sukad

Ang pag serbisyo sa Ginoo
Ug ang pagtabang sa mga tawo na mobalik ilang pagtoo.

Wala damha, naabot ko kapin duha ka tuig
Kay kamu tanan sa akoa nagabulig

Kamu ang akong kusog
Sa panahon nga ako nakigbisog

Kamu akong kalipay
Sa panahon nga ako gi tamay

Sa trabaho kamu akong inspirasyon
Bisan pa man sa kadghang tensyon

Tungod ana, dako akong PASALAMAT

Words cant fully express
That is why i am truly impress

With the love that you have shown
The beauty and fullness of life to me has made known

Pero ako nangayo sa inyong pasaylo
Sa mga butang na akong nabuhat na dili sakto

Ako tao lamang
Masayop, makasala, madam-ag

Sa text ug pulong ako nakapasakit ninyo
Kay nasobraan akong pagsalig sa inyong kahibalo

Hinaut unta nga ako inyong mapasaylo
Sa mga salang akong nahimu

Hinaut dili ko ninyo makalimtan
Ilabi na akong pagtulu-an

Moabat man gali ang panahon
Na kita magsugat sa Colon

Ako intawn inyong tagdon
Sa akong pangalan inyong sangpiton.

Dili tungod kay wala ako mohilak, wala na ako masakitan
Sa akong pagbiya mura kog namatyan

Kamu nakaila n asa akong pamilya
Bisitaha k osa amua bisag kanus-a

Kung sa akoa naa moy tuyo
Adtoa ko sa amoa ug pangamuyo

Ako andam gihapon motabang hangtod sa ma kaya
Kay pinaagi niini ako naghatag sa Diyos ug dugang himaya

Ako una mamalandong
Kung asa man jud ko padulong

Dili man ugaling masabtan ninyo ang akong pagbiya
Hinumdumi na ang kinabuhi sama sa mga tanom na nagalaya

Sa pagkalaya sa tanom, naay liso na motobo
Sa inyong kasing-kasing ang gugma sa Diyos unta molambo

Ani-a ra ako sa syudad
Maglibot suroy manimpad

Sa katapusan, ako magpasalamat sa Diyos nga tanan
Pinaagi kaninyo iya gipakita ang iyang pagkabalaan

Kamu ang usa sa gasa sa Diyos kanako nga matuod
Dili jud tamu mkalimtan hangtod sa hangtod.

Mao sa likod ako nag pa patik
Kay parte na kamu sa akong kasing-kasing nga naga pitik.

Ang ako lang hangyo kaninyo
Pag binuotan kamu

Kay Diyos naghigugma,
Kaninyo!

Ang akong pag-ampo

Sa kanunay ug sa tanang higayon
Kamu unta magmalipayon
Sa ngalan ni Jesus
Na atong igsuon.

AMEN!!!!