Gozos sa Inahan sa Kanunayng Panabang

GOZOS sa 

Inahan sa Kanunayng Panabang

1.Sa mga bukton mo gikugos
Ang imong Anak na si Jesus
Siya ang gugma mong tiunay
Ug ang tibook mong kalipay.

CORO:
O ulay nga Inahan sa Ginoo
Ug sa Kanunay nga Panabang!
Imo kami nga panabangan
Among maloloy-ong Inahan..

2.Si Jesus sa Bata pa Siya
Daw pagahikit-an na Niya
Mga lansang, bangkaw ug uban pa
Nga sa krus pagaantuson Niya. (coro)

3.Gibati man usab sa Inahan
Ang mga giantus sa Anak niya,
Ay! Ang sala sa mga katawhan
Mao man ang naingnan niya. (coro)

4.Si Jesus kanimo mingkupot,
Kay kanimo Iyang gipasabot
Kadtong masulob-ong panahon
Nga sa Krus iyang pagaduphon. (coro)

5.O inahan ilingi mo kanamo
Ang mga mata mong maloloy-on
Ug sa Dios kami ig-ampo
Aron sa mga sala pasayloon. (coro)

6.Maoy mainit mong tinguha
Nga makabig ang makasasala
Busa, sa Anak mo kami ikuha
Sa pasaylo sa among mga sala. (coro)

7.Inahan sa matahum nga gugma,
Kanimo among gipangamuyo
Nga kami unta magapuyo
Sa mga panabang mo ug gracia. (coro)

8.Kadtong alaut nga mga kalag
Nga mibati sa mga kagul-anan
Sila nga tanan nakakaplag
Sa kanunay mo nga panabang. (coro)

9.Niadto nga mga kalisdanan 

Sa mga magsasakay nga gibati,
Mga pagtawag imung gipamati
Ug nakadawat sa dunggoanan. (coro)

10.Nan, Birhen nga maloloy-on
Ang kanunay mo nga panabang
Mao gayud ang among gilauman
Karon ug among kamatayon. (coro)

O ulay nga Inahan sa Ginoo
Ug sa Kanunay nga Panabang!
Imo kami nga panabangan

Among maloloy-ong Inahan..